Alain Délisca

pibliye pa ALAIN DÉLISCA | 970p
November 30, 2020

Baky Popilè, yon rapè anpil moun konnen, se envite nou nan setyèm epizòd koze kilti vyòl. Li se konsiltan medya. Avèk li, nou te fè yon ti rale sou patisipasyon mizik nan kilti vyòl. Pa egzanp, fason atis yo pale de medam yo nan mizik ak videyo yo  gen tandans bay plis jarèt a agresyon seksyèl, fè yo plis sigmatize viktim lan.

Baky te aksepte pale avèk nou sou zoom  pandan nou te nan stidyo ANVA a sou patisipasyon mizik nan kilti vyòl. Nou ka koute rezilta ti chita pale sa, la :

Baky kòmanse pale sou mizik li a « koupab » ak nan sikonstans li te sòti l. Li esplike se apre yon vyòl kolektif ki te fèt nan Potoprens li pran inisyativ ekri mizik sa. Men li te vle pale de yon sitiasyon ki te rive bò lakay li kote yon bòpè te konn abitye vyole bèl fi li. Li te pale tou sou enpak mizik la te genyen kote aprè l fin sòti l li te resevwa anpil temwanyaj moun ki te viktim kadejak.

Baky, te fon ti rale sou nouvo mizik li ki gen pou sòti k ap manyen dwòg ak vyòl.  Li esplike se apre yon zanmi l te ekri yon tèks sou rezo sosyal sou sa ki te rive l pandan l t al nan yon fèt li ekri mizik sa. Yo te dwoge l epi l te santi yon vyole l.  Baky di li fè mizik sa pou, menm jan ak koupab, moun yo pran konsyans de danje a epi sansibilize yo fè atansyon. Li te ale nan menm sa ak Widlore pou l di youn nan wòl atis yo se gonfle vwa viktim yo pou sosyete a ka sansibilize. 

Nan epizòd sa tou, nou wè kijan sitiasyon ekonomik peyi a konn pouse paran yo fèmen je yo sou kèk bagay k ap pase jan Baky montre l nan Koupab. Atis di, pou li, se kesyon rezistans. Yon paran dwe piti li pwoteksyon malgre tout sitiasyon. Li te pwofite pale tou de moun ki toujou ap chache jistifye vyòl. Pou li, anpil fwa, pi bon fason yon moun ka ede se fè silans depi se pa sipò wap bay. Se konsa yo pap ka sigmatize viktim  epi dekouraje  yo #PafèSialns.

Se pou ede fè chanjman sa, Ayiti Nou Vle A lanse pòdkas Koze Kilti Vyòl la. Si w ta renmen kite sijesyon pou amelyore pòdkas la, klike sou sijesyon. Si w ta renmen reyaji sou epizòd la an antye, kite yon kòmantè anba paj sa.

Mèsi pou enterè w pou pòdkas la. M kontan w la.

Alain


Vwa moun ki nan emisyon sa:

Lokasyon: ANVA Studios, Telefòn pèsonèl. 

Miksaj: Perez Riquemi + Patricia Camilien pou ANVA Medya.

Klike la pou dekouvri tout ekip pòdkas la

Yo

Adres imel ou pa pral pibliye. Jaden obligatwa yo make *